«транспорт вазирлиги» тегли мақолалар
2024 йилда 10 та янги халқаро автобус йўналишини очиш режалаштирилган — Транспорт вазирлиги
Ҳозирда Россия, Қозоғистон, Қирғизистон ва Тожикистонга 37 та йўналиш бўйича 196 та автобус қатнови йўлга қўйилган ва йил бошидан буён 173 минг йўловчи ташилган. Транспорт вазирлиги йил охиригача яна 10 та янги халқаро автобус йўналиши очилишини маълум қилди.
Тошкент-Андижон пулли йўли 4,6 млрд долларга баҳоланмоқда — транспорт вазири ўринбосари
Тошкент-Андижон йўналишидаги пулли автомобиль йўлининг қиймати 4,65 млрд долларни ташкил этади, деди транспорт вазири ўринбосари Жасурбек Чориев. Лойиҳанинг техник-иқтисодий асосларини июнь охиригача тугатиш режа қилинмоқда. У, шунингдек, транс-афғон темирйўли ва бошқа лойиҳалар ҳақида ҳам гапирди.
Саудиянинг Vision Invest компанияси Андижон аэропортини реконструкция қилиш ва бошқариш истагида
Саудия Арабистонининг Vision Invest компанияси Андижон халқаро аэропортини давлат-хусусий шериклик асосида реконструкция қилиш ва келгусида бошқаришга қизиқиш билдирди.
Тошкентдан Чорвоққа автобуслар қатнови яна бошланди
Тошкентдан Чорвоққа кунига икки маҳал автобуслар қатнови йўлга қўйилди. Автобуслар «Машинасозлар» метро бекатидан эрталаб 8:00 ва кечки 18:00 да жўнайди, Хумсондан 6:00 ва 16:00 да қайтади. Йўлкира — 20 минг сўм.
Ўзбекистон ва Тожикистон транзит юк ташишда рухсатнома бланкаларини бекор қилади
Ўзбекистон ва Тожикистон ҳукуматлари юк машиналари транзитини соддалаштириш ва рухсатнома бланкаларини бекор қилишга келишиб олди. Бу етказиб бериш муддатини қисқартириши ва юк хавфсизлигини ошириши кутилмоқда.
Тошкент-Чиноз йўлини реконструкция қилишга Хитойдан компания жалб этилиши мумкин
Хитойнинг CITIC Construction компанияси Тошкент-Чиноз йўлини реконструкция қилиш лойиҳасига қизиқиш билдирмоқда. Уни таъмирлаш 2022 йил бошида муҳокама қилинганди. Компания, шунингдек, Ўзбекистонда пулли йўллар қуришни режа қилмоқда.
Тошкент шаҳри ҳокимлиги қошида Йўлларда ҳаракатни ташкиллаштириш маркази очилади
Пойтахт ҳокимлиги қошида Йўлларда ҳаракатни ташкиллаштириш маркази очилади. У қоидабузарликларни қайд этувчи 2 мингдан ортиқ фото ва видео қайд этиш тизимини ўрнатади, транспорт комплекси учун ягона реклама майдони, пуллик тўхташ жойлари ва электромобиллар учун зарядлаш инфратузилмаси яратади.
Транспорт вазирлиги вакили — Тошкентда трамвай бўлиши ҳамда автобуслар ва шахсий машиналар ўртасидаги рақобатбардошлик ҳақида
Тошкентда трамвай йўлларини лойиҳалаш ва қуриш кўп вақт талаб этади, шунинг учун каттароқ эффектга чиқиш учун аввалига кўп сиғимли автобуслар сотиб олинди, деди Транспорт вазирлиги вакили. У, шунингдек, транспорт ҳаракатларининг нотўғри ташкил этилиши ва бошқа масалалар ҳақида ҳам гапирди.
Транспорт вазирлиги вакили — кўчалар ўртасидаги «ажратилган йўлаклар», 35 метрли автобуслар ва экспресс йўналишлар ҳақида
Тошкентда, ниҳоят, кўчалар ўртасида автобус йўлаклари ташкил этилади. Унда 5 та секцияли 32 ва 35 метрли автобуслар ҳаракатланиши режалаштирилган, деди Транспорт вазирлиги вакили. Инфратузилма юкини камайтириш учун пойтахтга кираверишда 12 та янги экспресс йўналишни йўлга қўйиш кўзда тутилган.
Ўзбекистондан Канадага мунтазам авиақатновлар йўлга қўйилиши мумкин
Uzbekistan Airways авиакомпанияси 2025 йилдан Канадага мунтазам авиақатновларни йўлга қўйиши мумкин. Икки мамлакат авиация маъмуриятлари фуқаро авиацияси соҳасида қатор келишувларга эришди.
Тошкентда автобус автомобилга нисбатан 135 баробар самаралироқ — Транспорт вазирлиги
Транспорт вазирлиги пойтахтда автобуснинг енгил транспортга нисбатан самарадорлиги 135 баробарни ташкил этаётганини маълум қилди. Таҳлилларга кўра битта енгил автотранспорт воситасида бир кунда ўртача 4,3 нафар, битта автобусда эса ўртача 580 нафар йўловчи ташилмоқда.
Ўзбекистон ва Россия темирйўл ва автомобиль транспорти соҳасида ҳамкорликни ривожлантириш ниятида
Ўзбекистон ва Россия ўртасида йўл ҳаракати хавфсизлиги ва темирйўл транспортидан фойдаланиш, рақамлаштириш ва замонавий технологияларни жорий этиш ҳамда ҳуқуқбузарликлар тўғрисида ахборот алмашиш бўйича меморандум имзоланди.
Транспорт вазирлиги — Ўзбекистон, Эрон ва Туркия ўртасидаги янги транспорт коридори ҳақида
ИҲТ давлатлари транспорт вазирлари йиғилиши якуни бўйича «Ўзбекистон — Туркманистон — Эрон — Туркия» мультимодал коридорини ривожлантириш тўғрисида баённома имзоланди. У Осиё-Тинч океани минтақаси давлатларидан ЕИ мамлакатларига рақобатбардош тарифларда юк ташишни ташкил этишни назарда тутади.
Транспорт вазирлиги Тошкентда тирбандликни қайд этди
Тошкентнинг бир қанча асосий кўчаларида кетаётган қурилиш ва таъмирлаш ишлари «бошқа кўчалардаги мавжуд оқимга қўшимча юкламалар ҳосил қилди», — дейилади Транспорт вазирлиги хабарида. Бу, ўз навбатида, «барча кўчаларда транспорт воситалари, жумладан, автобуслар тезлигининг пасайишига олиб келди».
Ўзбекистонда учта вокзални ДХШ доирасида ривожлантириш режалаштирилмоқда
Давлат-хусусий шериклик доирасида Тошкент, Самарқанд ва Қўқон темир йўл вокзалларини ривожлантириш режалаштирилмоқда. Шунингдек, «Навоий-Учқудуқ» участкасини электрлаштириш, «Тошкент-Ангрен» иккинчи электрлаштирилган линиясини қуриш ва бошқа лойиҳалар самарадорлигини ўрганиш топширилди.
Тошкент ва Майами ўртасида авиақатновларни йўлга қўйиш муҳокама қилинди
Ўзбекистон транспорт вазири ўринбосари ҳамда Майами халқаро аэропорти (АҚШ) маркетинг бўйича директори Тошкент ва Майами аэропортлари ўртасида мунтазам қатновларни амалга ошириш истиқболларини муҳокама қилди.
Президент айтган «светофорсиз эстакадалар» қандай бўлади? Транспорт вазири тушунтирди
Президентнинг «светофорсиз эстакадалар» қурилиши бўйича таъкиди саволлар келтириб чиқарди. Транспорт вазири Илҳом Маҳкамов «Газета.uz»га гап шаҳарлар эмас, балки вилоятлараро магистраль йўллар ҳақида кетаётганини маълум қилди. Йўл ўтказгичлар қаерда қурилиши кераклиги бўйича мезонлар қабул қилинади.
Маманбий Омаров транспорт вазирига биринчи ўринбосар бўлди
2022 йил охиридан бери Қорақалпоғистон транспорт вазири сифатида ишлаб келаётган Маманбий Омаров Ўзбекистон транспорт вазирининг биринчи ўринбосари этиб тайинланди.
Ўзбекистон Афғонистон орқали Покистонга транзит юк ташувларини кенгайтирмоқчи
Ўзбекистон делегацияси Кобулга ташрифи давомида Афғонистонга сармоя киритишни кўпайтириш, бу мамлакат ҳудуди орқали транзитга қўйилган чекловларни бекор қилиш ва юкларни Покистонга олиб ўтишда транзит тўловларини камайтириш, божхона хизматлари фаолиятини узлуксиз режимга ўтказишни муҳокама қилди.
Ўзбекистонда Хитой компаниялари интеллектуал транспорт тизимини йўлга қўяди
Ўзбекистон Хитойнинг Yutong Bus Co., Ltd компанияси билан ҳайдовчисиз транспорт воситалари бўйича, Magnetic North компанияси билан ақлли транспорт тизимини йўлга қўйиш ва Hikvision компанияси билан эса инновацион видеокузатув тизимлари ҳамда сунъий интеллект технологияси соҳасида ҳамкорлик қилади.
Энг кўп ўқилган хабарлар | Сўнгги янгиликлар
- Россия Харьков вилоятига янги ҳужум бошлади. Нималар маълум?
- Тошкент аэропортини кўчириш ҳақида 32 йил аввал қабул қилинган қарор ўз кучини йўқотади
- Афғонистондаги сел оқибатида 150 дан ортиқ киши ҳалок бўлди
- Президент — Ўзбекистонда чарм саноати ва ипакчиликни қўллаб-қувватлаш чора-тадбирлари тўғрисида
- Тошкентда Malibu уриб юборган пиёда вафот этди
Қўшимча имкониятларга эга булиш учун сайтда рўйхатдан ўтинг